ເຮືອບິນບໍ່ມີຄົນຂັບລຸ້ນໃໝ່ ຂອງປະເທດຕວກກີ
ເຮືອບິນບໍ່ມີຄົນຂັບລຸ້ນ Bayraktar-TB2
ໜັງສືພິມກອງທັບປະຊາຊົນ ຫວຽດນາມ ລາຍງານວ່າ: ຫຼັງຈາກປະສົບຜົນສຳເລັດການພັດທະນາ ແລະ ຜະລິດເຮືອບິນບໍ່ມີຄົນຂັບລຸ້ນ
Bayraktar-TB2 ແລະ Akinci (UAVs), ບໍລິສັດ Baykar ຂອງ ຕວກກີ ຍັງສືບຕໍ່ເປີດຕົວຜະລິດຕະພັນໃໝ່ເປັນຕົ້ນເຮືອບິນບໍ່ມີຄົນຂັບ
ລຸ້ນ Kizilelma, ມີປີກເປັນຮູບສາມຫຼ່ຽມ, ຫາງຄູ່, ຕິດຕັ້ງດ້ວຍລະບົບ photoelectric EOTS. Kizielma ມີຄວາມຍາວ 14.7 ແມັດ,
ປີກ 10 ແມັດ ແລະ ສູງ 10 ແມັດ. ໃຊ້ເຄື່ອງຈັກ jet Subsonic ມີຄວາມໄວສູງສຸດ 900 ກິໂລແມັດຕໍ່ຊົ່ວໂມງ, ຄວາມໄວໃນເວລາບິນ 740
ກິໂລແມັດຕໍ່ຊົ່ວໂມງ ແລະ ໄລຍະບິນສູ້ຮົບ 930 ກິ ໂລແມັດ, ເພດານບິນສູງເກືອບ 12 ກິໂລແມັດ ແລະ ເວລາບິນຕໍ່ເນື່ອງເປັນເວລາ 5 ຊົ່ວໂມງ.
ໃນອະນາຄົດຄາດວ່າ: ເຮືອບິນຈະມີເຄື່ອງຈັກທີ່ທັນສະໄໝຫຼາຍຂຶ້ນ, ເຮັດໃຫ້ມັນບັນລຸຄວາມໄວ supersonic, ຜູ້ຜະລິດວາງແຜນຈະ
ຕິດຕັ້ງເຄື່ອງຈັກສອງເຄື່ອງ, ນຳ້ໜັກສູງສຸດຂອງ Bayraktar Kizielma ແມ່ນ 6 ໂຕນ, ບັນທຸກນ້ຳໜັກໄດ້ສູງເຖິງ 1.5 ໂຕນ. ເຮືອບິນຮົບ
ບໍ່ມີຄົນຂັບຊະນິດນີ້, ສະທ້ອນໃຫ້ເຫັນເຖິງຄວາມພະຍາຍາມຂອງ ຕວກກີ ຢ່າງແຂງແຮງໃນດ້ານການພັດທະນາອຸດສາຫະກຳປ້ອງກັນຊາດຂອງ
ປະເທດ.
ແຫຼ່ງທີ່ມາ: ໜັງສືພິມກອງທັບ
ວັນທີ 12/09/2023